भोटेकोशी गाउँपालिका अध्यक्ष कप राष्ट्रीय महिला भलिबल प्रतियोगिता २०७८ आज बाट सुरु भएको छ । प्रतियोगिताको उद्घाटन राष्टिय खेलकुद परिषद्का सदस्य सचिव रमेश सिलवालले गर्नुभएको थियो । उद्घाटन कार्यक्रममा सिन्धुपाल्चोक उद्योग वाणिज्य संघका अध्यक्ष होमवहादुर बस्नेत,नेपाल हिमालय सीमापार वाणिज्य संघका निवर्तमान अध्यक्ष बच्चु पौडेल लगायत अतिथिहरुको सहभागिता रहेको थियो । उद्घाटन कार्यक्रममा नेपाल उद्योग बाणिज्य महासंघका केन्द्रीय सदस्य कमलकुमार श्रेष्ठले स्वागत मन्तव्य राखनु भएको थियो । उद्घाटनपछिको पहिलो खेलमा न्यू डाईमन स्पोर्टस क्लवले त्रिभुवन आर्मी क्लव लाई २५-१४,२५-९ र २५-१४ को सोझो सेटले हराएको छ । । आजको खेलको उत्कृष्ठ खेल प्रदर्शन गर्ने झरना श्रेष्ठलाई गाउँपालिकाका अध्यक्ष राजकुमार पौडेलले पुरस्कृत गर्नुभएको थियो ।